ULTIMI GIORNI

allora...
dovrò tornare a gorizia prima di quanto avessi progettato...cazzo..
non ho mai avuto impegni improvvisi, pensavo che tutto si potesse non dico pianificare, ma render le robe discretamente certe...

pensavo che gli imprevisti fossero roba da audi, gessato, palmare...auricolare...e robe tipo...si...sposto l'appuntamento delle tredici e ci vediamo in ufficio, vieni pure di sopra, e dì a doris che ti sto aspettando, anche se non hai un appuntamento dovrebbe farti passare.

e invece...cazzo...a casa x due giorni, rilassato, a lavorare tutto il giorno al pc...facendo pausa caffè, pausa cioccolatino, pausa tè, pausa chitarra, pausa simpson ecc ecc...
non posso rilassarmi un attimo che via...devo tornare a gorizia, e poi a sto punto anche se non è che debba far tante cose, resto lì...xk tanto ormai che son lì...resto lì...e mi rompe il cazzo da morire...

xk lo so cosa succede adesso, pasqua segna virtualmente la fine del secondo semestre...tranne qlc minuto di distensione causa primo maggio ed annessi, so che da quando sarò tornato, nella mia testa si entrerà in quel filone che finisce a metà luglio...dove studi l'inverosimile e ti illudi di riuscire a far tutto...con l'acqua alla gola...

già c'ho 2 esami indietro...spero di non aggravare la situazione...
poi non posso + spaccarmi come si deve che il giorno dopo c'ho le foto taggate in facebook... ciccio cappaeonga ha taggato una foto con te su facebook!
e sempre io desfato...come tutti...ma mi secca, sembra che sia un alcolizzato buono a niente...
xk nessuno mi fa le foto mentre studio e mi tagga...?
così mia mamma è contenta poverina...

non ho + voglia di scrivere, e allora incollo qui sotto una bella storia, una gran bella storia d'amore, che merita di esser letta...
un abbraccio

Scusime Se Te Ciamo More Mio

Nel 1992 gerimo tuti drio scoltar ea musica grangg, e coi cavei al vento e i abiti da sfrattai de Siattol andavimo in gyro come sempre a imbragar, anca se savé che quando che se xe minors se va sempre in bianca, sempre che no ti vegni dai profondi recessi Canareggiotti-ben, o se no ti fassi quei che ghe va a tegnir i motoscafi ai fioi o se to pare no fassa l'abusivo, el battidor o el gondolier.

Ma noialtri che no gavevimo i bessi, ma soeo i beiss (come dizeva i pablic anemy) podevimo soeo sperar de andar in qualche disco e vegnir basai daea dea bendata dea lotteria dea sagra de San Piero de Casteo.

Quea che me acingo a contarve xe una storia de amori e soferense, in perfeto style venessian, jamaican, o come che casso voè eserlo.

Tano yo gaveva sgamà co do eti de asciss ancora co gerimo in seconda superior, e quindi nol vegniva più tanto fora. Mi invesse, dopo un fià de tempo coi fioi del stadio, che ndavimo prima a veder ea partia al Baracca a Mestre (l'unica bona ragion che i gha avuo a costruir el ponte dea Liberty) e po de corsa fin curarse ea Reyer, che praticamente significava spuarghe drio all'arbitro e infatti aea fine i ne gha diffidà..ah si disevo, che dopo un fià de vita cussì, a magnar fazioi in trasferta, e cori rauchi contro i mantovani, me gero anca un fià rotto, quindi gero tornà aea vita de rio, coi fioi a farse un fià de mofu quando che se reffava, sabo pomeriggio a San Luca, e cagae varie. Col barbur indosso, perché se usava chea merda eà.

Ea vita de chei ani se pol essensialmente tradure in una paroea e un numero: do coioni.

E manche da Zorzi, andar tor i dischi da New Records a Santi Apostoi, e serate al Musikò coe paste, e tutte chee roste che se semo ciapai, mimorti, gerimo tanto TANTO sbarbary.

Insieme co chee robe, me ricordarò par sempre quea volta col Tano che mi gero in manca (yu gaveva praticamente moeà ea scuoea ancora in seconda, dopo che a San Luca xe rivai i madamini coe foto e ghe gha ditto-bon, qua ti vedi ste foto? In sta qua ti xe ti quando che ti va a comprar el mofu, qua xe quando ti gheo vendi a staltri fioi, ecc e desso svoda e tasche che savemo che xe presto e ti gha un fià de tochi tacai-insoma yo gha blindà e yu se vergognava farse veder in giro..) e col stereo che pompava radio Bum Bum semo andai al Lido, in tranquiada a flipparse un fià sotto el soul.

Prima gavemo fatto coeassion co un per de bire e rispettivi pachetti de patatine tolti aea Stander eà in Vial. No ve conto i brusori de stomego, mimorti patatine frite ae nove in the mornin.

Po semo andai a far un fià i cocche in ziro par e viette da drio aea saea zoghi, a scaturir e vecce del Laido che e xe impestadine forti, coea musica a baetton sui sarvei quando che passava.

Verso e undeze semo andai a califfar un fià in terrassa al blu mun.

Se semo sentai eà (mimorti se ghe penso che desso i gha buttà zo zo tutto, no ghe credo, coi lavori che xe durai almanco almanco dieze ani..) in terrassa, coea schiena che dava suea spiaggia sotostante.

Rivolto invesse verso ea spiaggia, in pie, ghe gera uno de quei fighetti Lidensi, de un per de ani più old de nialtri, chel se gustava l'ocio in chel giorno de Magio-ghe gera tanta mona in spiaya, giornada splendida, ma mi e Tano gerimo eà per ciavarse sto ciospo quindi se fazevimo anca i stracassi nostri.

Insoma, a un certo momento ti vedi chel fio che taca parlar co dee fie che gera zo zo in spiagia, chee sento sigar "ai uant tu fack yu" e cagae varie.

Po' riva anca un altro fio, amigo de sto qua, e i continua a ragionar co ste fie..

I ride, i schersa, e mi e el Tano se vardemo come dir, che cicca, ara ti sti maoni de Lidioti che i imbraga anca sensa far un casso; el Tano po gera na vitta che nol se cassava, quindi ea so sensibiità maschile gera anca più ciapada de mezo..cossa ti vol, mi invesse gero sempre coi fioi quindi dee fie me ne ciavava anca de manco, ma yu gera sempre casa, co so mama e so sorea che ghe spaccava i coyoni..no ghe gera internet a quei anni, ghe gera soeo i giornaetti coe done nue, el Blitz, Turbo e le Ore, cossa ti vol far. El se sarà coppà de seghe, mi digo.

I fioi ghe siga "noo, non scendiamo", "varda che rozze!", in chea maniera del casso che i gha de parlar i Lidioti, che i parla mezo in itaian mezo in diaeto (ma i xe talmente netti a parlar diaetto che xe meyo che gnanca no i ghe prova!) –da queo che capivo, e fie ghe chiedeva a sti do pandoeoni de andar zo zo da yore, ma i fioi no voeva. Me so anca girà un attimo a vardar come che gera ste fie, e me pareva anca massa che ben, e mazenavo quanto cassi che xe sti lidensi..i preferisse farse i spari in Ciao invesse che cassarse!

Sainsbury, che netti!

Po a un certo momento ti senti che e fie taca sigarghe na strage de merda, "OHU, MAGNIME EA MONA, NOEA GAVEMO CO VIALTRI, ANDè FAR IN CUEO DE CHEA SOTOTROIA DE VOSTRA MARE, EA GAVEMO CO STALTRI, EL FIO COEA CAMIZA BIANCA!!" "TESTE DA CASSO, ANDé FAR IN CUEO!"..

Ti vedi che i Lidensi sensa dir A i sparisse, monta in Ciao e via. Mi e Tano se vardemo –Tano in efetti el gha na camiza bianca, chel can del to 'io..

"Mi morti, ya gha co nialtri".

Ti senti ea fia che prima ghe gha sigà più merda ai do testa e po da casso che ea cambia voze, savé come che fa e fie quando chee vol qualcossa, coea voze da ruffiana: "E allora… venite giuuù?".

Vardo Tano, se giremo. Gavé presente quando che se xe sbarbai, che se te imbraga e fie ti te senti anca un fià casso ti, che ti te senti un fià in para, cheghesboro, un fià de egno.. Insomma, se vardemo, e andemo zo zo, suea spiaggia.

Ste fie ne sembra anca massa che bone, e xe de san Poeo.

E fa un figuron in do pezzi, come casso che noe gha maneghi in the house?

Una, ea Zuleyka, gha un sfregio suna recia che sembra che i ghe gabbia dhà co na manera sui sarvei, ne conta che xe sta el can de so ex moroso. Però ea xe na bea fia. Biondina, un fià desaviia..

Naltra, na moracciona che se ciama Mendy xe ea meio de tute.

Stemo un fià ya co eore, e mi sgamo subito che ghe xe ea Mendy che ghe fa i oci dolsi a staltro cancaro de Tano. Gera ea che ghe sigava ai fioi del Laido.

Tornemo verso, mi e el Tano, e par ea strada se ragiona su ste fie, che noe podeva esser del Lido, che anca see gera un fià buttae su noe gera mal, insomma tutti chei discorsi che fa i sbarbary of the tables.

El Tano noeo sento per un fià, mi gero drio prepararme per i esami de matura, quindi altre manche e zo zo a far finta de studiar..

Un pomerigio el me ciama che per sbagio el se gha incrosà co una dee fie e che e ne gha invità a andar in settimana a far naltra manca ai Alberoni. A quei tempi no ghe gera teefonini, quindi se se metteva d'acordo in the house quando che se se incontrava in giro. Po scattava ea teefonada dopo scuoea.. Secondo mi, e infatti spesso gheo digo, el gera talmente in bianca che meo vedo furegar dae parti de san Poeo par veder dea Mendy.

Insoma, gera un venere, andemo fin Lido da novo, e se incontremo coe fie.

Noe se ricorda el me nome, e mi ghe resto mal. De Tano invesse e se ricorda ben tute, ste quattro putane.

Tano in estasi in mezo ae bueo, chel fa el figo, mi me sento come Agostino de Moravia, un povero sfigà. Col me stereo dea Sanyo coe cassette quee giuste, ma che nissuni se ricorda come casso che me ciamo. Ma me piase veder rider e fie, quindi fasso el personaggio, el mona.

El Tano va in acqua alta coea Mendy e mi stago a vardar quel fio de putana che se diverte.

Insoma, un per de mesi dopo che i gera insieme, se vede che ghe se gha sbusà el goldons, ma ea Mendy xe restada incinta, da chel goldon sbusà xe vegnuo fora Steven, un bel fantuin, e i xe ancora eà che i xe insieme, da che istà. Per carità, ogni tanto meo vedo chel va al Martini coe brasiliane, per un periodo el gera tutto pippà e sempre in lampada al Coca, però anca ea Mendy gha tegnuo botta, i xe sempre che i fa question.

Mi na volta i gho sentii che i fazeva cagnara, e ea che ghe sigava de tuto, "brutto bueo marso, te odioo", "desso il fio ti teo tien ti", ecc, ma aea fine i xe sempre insieme, "more" de qua, "more" de eà. Propio come sul fil de Mocia, "Scusime se te ciamo More Mio". Ghesboro, che beo. Xe ben cussì.